कलुवा के मिता कहलकइ -“आब फेर पुसालो अइबो आगू बछर बूढ़ी मामा? मकिन अंबा मंजरल हो से अंबा खाइल जरुज अइबो.” कुछ भात, दाइल, तियन, पुड़ी, सिकार बचल-खुचल हलइ से घार लेले अइला. घारोम खइला आर दुइयो मिता आपन-आपन घर सुतला. अंबा झरनाक आंब गाछें आंब लदइर गेल हलक. जे-जे झन होंदे जा हला खा हला. कलुवा आर ओकर मिता जब सुनला कि आंब फोइर के लदइर गेल हे आर पाइक भी रहल हे.
दुइयो मिता दुपहरिया में गेला आर टेमहना से झाइर-माइर खइला. मकिन कुछ पाकल आंब फिचंगवा में हलइ! हुंवा ले टेलहा, लबेदा आर पथल फिचंगवा ले नांय लबदे पारो हलइथ! से लेल ओकरां छोइड़ देलइथ आर दोसर दिन ओकरां खाय लेल जाय खोजला जे टिपका से टिपइक के गिइर जितइ. दुइयो मिता बिहान अंधरे पराते गेला मकिन अंबा पहिले गिइर गेल हलइ. कलुवा आपन मिताक कहलकइ -“ऐं मिता ओहे लेल बुढ़-बुजुर्ग कहो हथिन-“पाकल आंब आर पाकल लोक के कोनो बिसवास नांय”!
